Ўзбекистонда бу йил «Обод қишлоқ» дастури доирасида 159 та тумандаги 416 та қишлоқда катта ҳажмдаги қурилиш-ободонлаштириш ишлари олиб борилди. Бу ҳақда Президент Шавкат Мирзиёевнинг қишлоқ хўжалиги ходимларига табригида айтиб ўтилган.
Натижада 2 миллионга яқин аҳоли учун янги уй-жойлар, табиий газ, электр, ичимлик суви тармоқлари, равон йўллар, мактаб ва боғчалар, шифо масканлари, маданият ва спорт иншоотлари ишга туширилган.
Арзон уй-жойлар дастури доирасида бу йил қишлоқларда 28 мингта уй-жой барпо этилиб, ўз эгаларига топширилди. Бундай уй-жойлар учун дастлабки тўлов миқдори 25 фоиздан 15 фоизга, кам таъминланган оилалар учун эса 10 фоизга туширилди.
Изоҳ (0)