Farg‘ona viloyatining Buvayda tumanida joylashgan Happy Land Childrens Academy nodavlat maktabgacha ta’lim muassasasi binosining bir qismi qulab tushgan. Bu vaqtda bog‘chada tarbiyalanuvchilar bo‘lmagan va hech kim jabrlanmagan.
Biroq oradan 3 kun o‘tsa-da, mahalliy hokimlik mutasaddilari ham, kommunal xizmatlar va favqulodda vaziyatlarga aloqador tashkilotlar vakillari ham bu voqeaga e’tibor qaratmagan.
Bog‘cha binosining qulab tushishiga unga yondosh hududda olib borilayotgan qurilish ishlari sabab sifatida ko‘rsatilmoqda. Bog‘cha mudirasi va mahalla fuqarolarining aytishicha, mazkur qurilish obyektida olib borilayotgan ishlar xavfsizlik talablariga umuman javob bermaydi.
Ayni paytda “Daryo” muxbiri voqea joyida surishtiruv o‘tkazmoqda.
Izoh (0)