Фарғонада ҳаракатланадиган жамоат транспортида автоматлаштирилган тўлов тизими йўлга қўйилди, дея хабар беради «Podrobno.uz».
Мазкур лойиҳа Фарғона аҳолиси ва меҳмонлари учун исталган шаҳар йўналишида ҳаракатланаётган жамоат транспортида қулай тўлов амалга ошириш имконини беради.TezCard тизимини жорий этиш жамоат транспорти хизматлари учун тўлов амалга оширишнинг инновацион ва замонавий ечими саналади, у пул маблағларини қабул қилишда юзага келадиган барча муаммоларни ҳал этиш имконини беради.Бунинг учун йўловчига картани махсус терминал (валидатор)га қўйиш кифоя. Терминалда маълумот алмашинуви саноқли сонияларда амалга оширилади ва картадан зарур маблағ ечиб олинади. Тўлов амалга оширилгандан сўнг терминалда операцияни тасдиқлайдиган чек чиқади. Мазкур чекни йўналиш бўйлаб ҳаракат якунлангунча сақлаб қўйиш тавсия этилади.Аввалроқ, ушбу тизим Самарқандда йўлга қўйилган бўлиб, у ўзининг ижобий натижаларини кўрсата бошлаганди.Яқин орада TezCard компанияси турли тўлов тизимлар орқали ҳисобни тўлдириш имконини йўлга қўйишни режалаштирган, бу тўлов тизимини ишлатишда қулайлик яратади.
Изоҳ (0)