AQSh davlat kotibining Afg‘oniston bo‘yicha maxsus vakili dekabrda O‘zbekistonga keladi

AQSh davlat kotibining Afg‘oniston bo‘yicha maxsus vakili Zalmay Halilzod dekabrda bir necha mamlakat, xususan O‘zbekistonga tashrif buyuradi. Bu haqda “Podrobno.uz” xabar berdi.

U Afg‘onistonda tinchlik jarayonini o‘rnatish va unga “Tolibon” terrorchilik harakatini jalb qilish bo‘yicha muzokaralar olib boradi.Zalmay Halilzod 2—21-dekabr kunlari idoralararo delegatsiya bilan Pokiston, Afg‘oniston, Rossiya, O‘zbekiston, Turkmaniston, Belgiya, Birlashgan Arab Amirliklari va Qatarga tashrif buyuradi.29-noyabr kuni Jenevada Afg‘oniston bo‘yicha bo‘lib o‘tgan konferensiyada Afg‘oniston prezidenti Ashraf G‘ani hukumat “Talibon” bilan muzokaralarga tayyor ekanligi va buning uchun jamoa tuzganligini ma’lum qilgan edi.