Rossiyalik milliarder Alisher Usmonov sudga murojaat qilib, biznesmenning kriminal avtoritet Shakro Molodoy (pasport bo‘yicha Zaxariy Kalashov) va boshqa jinoiy guruhlar ishiga aloqadorligi tilga olingan uchta maqolani internetdan o‘chirib tashlashni talab qildi, deb yozadi “RIA Novosti”.
Usmonov o‘z sha’ni va qadr-qimmatini himoya qilish to‘g‘risida da’vo arizasi bilan chiqqan. “Arizada Usmonov ma’naviy zarar uchun 50 ming rubl tovon puli to‘lashni, uchta maqolani o‘chirib tashlashni talab qilgan, bular: “Alisher Usmonov. Maqomi: “avtoritet”, “Alisher Usmonov Shakro ishida” va uyushgan jinoiy guruh bilan aloqalar haqidagi”, — dedi Basman tumani sudi matbuot kotibi Sareva. Uning aniqlik kiritishicha, ko‘rsatilgan maqolalar Russian Criminal saytida e’lon qilingan.
Sarevaning qo‘shimcha qilishicha, “Roskomnadzor” ham javob beruvchi sifatida jalb etilgan, sababi Usmonov o‘zi haqidagi ma’lumotni taqiqlab qo‘yishni so‘ramoqda, buni esa faqat “Roskomnadzor” qila oladi.
“Qonundagi o‘g‘ri” Shakro Molodoy (Zaxariy Kalashov) mart oyi oxirida Moskva shahrining Nikulinskiy sudi tomonidan ikkita tovlamachilik holati bo‘yicha to‘qqiz yil va to‘qqiz oyga ozodlikdan mahrum qilindi.
28-noyabr kuni Moskva shahar sudi hukmni qonuniy deb topdi.
Izoh (0)