Tbilisidagi norozilik mitingida muxolifat muddatdan oldin parlament saylovlarini talab qildi

Tbilisining Rustaveli prospektida minglab odamlar norozilik mitingiga to‘plandi. Bu haqda “Interfaks” xabar berdi.

Norozilik prezident saylovi natijalarini tan olishdan bosh tortgan “Kuch birlikda” muxolifat birlashmasi vakillari tomonidan tashkillashtirildi.

“Yagona milliy harakat” muxolifat partiyasi tomonidan prezidentlikka nomzodi ilgari surilgan, sobiq-prezident Mixail Saakashvilining safdoshi Grigol Vashadzening jurnalistlarga ma’lum qilishicha, miting ishtirokchilarining hukumatga asosiy talabi muddatidan avval parlament saylovlarini o‘tkazishdir.“Yagona milliy harakat” muxolifat partiyasi Salome Zurabishvilini o‘z prezidenti deb tan olmaydi.28-noyabr kuni o‘tkazilgan saylov natijasiga ko‘ra, prezident saylovining ikkinchi davrasida “Gruziya orzusi” partiyasidan ko‘rsatilgan mustaqil nomzod Salome Zurabishvili g‘alaba qozondi.Gruziya MSK tomonidan e’lon qilingan natijalarga ko‘ra, Zurabishvili saylovchilarning 59,52% (1 147 627 ovoz) ovozini to‘plagan, uning “Yagona milliy harakati” muxolifat partiyasidan qo‘yilgan raqibi Vashadze esa 40,48% (780 633 ovoz).Prezident saylovining ikkinchi davra saylovlarida saylovchilarning 56,23% ishtirok etgan.Saylangan prezidentning inauguratsiya marosimi Gruziya Konstitutsiyasiga ko‘ra 16-dekabr kuni bo‘lib o‘tadi.