“Ural havo yo‘llari” aviakompaniyasi 13-noyabrdan “Jukovskiy” aeroportidan Nukus shahriga reysni ochadi, deb yozadi “Podrobno.uz”.
“Ural havo yo‘llari” saytidagi jadvalga ko‘ra, parvozlar haftasiga ikki marta — seshanba va yakshanba kunlari amalga oshiriladi. Yo‘lga taxminan uch yarim soat vaqt sarflanadi.
Hozir “Ural havo yo‘llari” Nukusga Moskvaning “Domodedovo” aeroportidan ham reyslarni amalga oshiradi. Aeroport saytidagi ma’lumotlarga muvofiq, parvozlar haftasiga bir marta — chorshanba kunlari bajariladi.
“Ural havo yo‘llari” matbuot xizmati ma’lum qilishicha, aviakompaniya ushbu reyslarni to‘xtatmaydi.
Izoh (0)