Ichki ishlar vazirligi Ma’muriy javobgarlik to‘g‘risidagi kodeksga o‘zgartish va qo‘shimchalar tayyorladi, ulardan biri yangi — 56²-moddaning kiritilishini ko‘zda tutadi, deb yozadi Spot.
Unga ko‘ra, jamoat joylarida joylashgan xona (bino)larni chilim va elektron sigaretalar chekish uchun taqdim etganlik uchun fuqarolarni eng kam oylik ish haqining 5 dan 10 barobarigacha, mansabdor shaxslarni esa — 10 dan 15 barobarigacha bo‘lgan hajmda jarimaga tortish taklif qilinmoqda.
Bu jamoat joylarida chilim va elektron sigaretalarni foydalanishga berishga ham taalluqli. Shu bilan birga, qo‘shimcha izoh nazarda tutilgan — “qonunchilikda ko‘zda tutilgan holatlardan tashqari”.
Qolgan takliflar mavjud moddalarga tuzatishlar kiritishga oid — alkogol va tamaki mahsulotlari reklamasi haqidagi taqiqqa “elektron sigaretalar va chilimlar” so‘zlari qo‘shiladi.
Eslatib o‘tamiz, 2018-yil 4-oktabrdan boshlab “Jamoat joylarida chilim va elektron sigaretalar chekishni cheklash to‘g‘risida”gi qonun kuchga kirdi.
Izoh (0)