Toshkent shahrining Chilonzor tumanida “Muhsinxon to‘ra” jome masjidi binosi yangidan bunyod etilishi munosabati bilan ochilish marosimi bo‘lib o‘tdi. Bu haqda O‘zbekiston musulmonlari idorasi matbuot xizmati ma’lum qildi.
Taniqli ulamolar, imom-xatiblar va ko‘plab namozxonlar ushbu masjidda peshin namoziga jam bo‘ldi va o‘zlarining iliq so‘zlarini bildirdi.
Ular jomening qaytadan barpo etilishi mo‘min-musulmonlarga katta tuhfa bo‘lganini izhor qildi.
Qurilish ishlariga eng mohir usta va muhandislar jalb etildi.
Marosimga kelganlar masjidning go‘zal shakl, zamonaviy uslub va milliy qadriyatlarni o‘zida aks etgan binosini ko‘zdan kechirib, u musulmonlar uchun mo‘’tabar maskan sifatida xizmat qilishini ta’kidlab, xayrli duolar qildi.
Izoh (0)