Namangan viloyatidagi xizmat ko‘rsatish kolleji o‘qituvchisi mashg‘ulotlardan qochib ketadigan o‘quvchilarni urayotgani va haqoratlayotgani aks etgan video ijtimoiy tarmoqlarda tarqalganidan so‘ng “Sevimli” telekanalining “Zamon” dasturi ijodkorlari ushbu holat yuzasidan jurnalistik surishtiruv tayyorladi, deb yozadi “Gazeta.uz”.
O‘qituvchining so‘zlariga ko‘ra, o‘quvchilar juda ko‘p marta dars qoldirgan. “Aksariyat bolalarning tarbiyasi og‘ir. Ularga yaxshilikcha gapirib, tartibga chaqirishga harakat qildik. Lekin, ularni urishni oqlamayman” , — deydi kollej direktori Bahodir Ergashev.
O‘quvchilarni urgan o‘qituvchi Rashid Safarov o‘sha kuni ular darsga kechga qolganini, bundan tashqari ular ikkinchi darsdan so‘ng qochib ketgan.
“O‘quvchilar juda ko‘p dars qoldiradi, darslardan qochib ketadi. Birinchi darsga kelmaydi. O‘sha kuni ular devordan sakrab o‘tib gaz trubasiga zarar yetkazgan. Men buni o‘quvchilarni tartibga chaqirish va ularni to‘g‘ri yo‘lga boshlash maqsadida qildim. Jahl ustida ortiqcha gaplar gapirib yubordim” — deydi u.
Telekanalga bergan intervyusida o‘quvchilar o‘z xatosini tan olgan va o‘qituvchi haq ekanligini aytgan. Ular ogohlantirish olgan.
Dasturda qayd etilishicha, o‘qituvchi Rashid Safrovga nisbatan tegishli choralar ko‘rilgan.
https://www.facebook.com/Zamontv/videos/2040238639599439/
Izoh (0)