Тошкент шаҳрининг Чилонзор туманида «Муҳсинхон тўра» жоме масжиди биноси янгидан бунёд этилиши муносабати билан очилиш маросими бўлиб ўтди. Бу ҳақда Ўзбекистон мусулмонлари идораси матбуот хизмати маълум қилди.
Таниқли уламолар, имом-хатиблар ва кўплаб намозхонлар ушбу масжидда пешин намозига жам бўлди ва ўзларининг илиқ сўзларини билдирди.
Улар жоменинг қайтадан барпо этилиши мўмин-мусулмонларга катта туҳфа бўлганини изҳор қилди.
Қурилиш ишларига энг моҳир уста ва муҳандислар жалб этилди.
Маросимга келганлар масжиднинг гўзал шакл, замонавий услуб ва миллий қадриятларни ўзида акс этган биносини кўздан кечириб, у мусулмонлар учун мў’табар маскан сифатида хизмат қилишини таъкидлаб, хайрли дуолар қилди.
Изоҳ (0)