Maktabgacha ta’lim vazirligi Janubiy Koreya kompaniyasi bilan hamkorlik bitimi imzoladi

Maktabgacha ta’lim vazirligi va Hyundai Engineering&Construction qurilish kompaniyasi o‘rtasida bitim imzolandi. Bu haqda vazirlik matbuot xizmati xabar bermoqda.

Imzolangan bitim asosida kompaniya vazirlikka beg‘araz tarzda noutbuklar va LCD monitorlarini topshirdi.

“O‘zbekistonda maktabgacha ta’limni rivojlantirishda koreys kompaniyalari qo‘shayotgan hissani qadrlaymiz. Mana shu kabi donorlik va xayriya ishlari vazirlik uchun sohani isloh qilish jarayonini tezlashtirish va farzandlarni tarbiyalashga kerakli shart-sharoitlar yaratishda sezilarli yordam sifatida qabul qilamiz”, — dedi Maktabgacha ta’lim vaziri Agrippina Shin.

Hyundai Engineering&Construction kompaniyasidan olingan texnikalar EMIS maktabgacha ta’limni boshqarish axborot tizimining yanada tezroq tatbiq etilishini ta’minlaydi. EMIS tizimi bolaning salomatligi holati, vaksinatsiyasi, emotsional va intellektual rivojlanishi, ehtiyojlari to‘g‘risidagi haqqoniy va ishonchli ma’lumotlarni o‘z ichiga oladi.