Мактабгача таълим вазирлиги ва Hyundai Engineering&Construction қурилиш компанияси ўртасида битим имзоланди. Бу ҳақда вазирлик матбуот хизмати хабар бермоқда.
Имзоланган битим асосида компания вазирликка беғараз тарзда ноутбуклар ва LCD мониторларини топширди.
«Ўзбекистонда мактабгача таълимни ривожлантиришда корейс компаниялари қўшаётган ҳиссани қадрлаймиз. Мана шу каби донорлик ва хайрия ишлари вазирлик учун соҳани ислоҳ қилиш жараёнини тезлаштириш ва фарзандларни тарбиялашга керакли шарт-шароитлар яратишда сезиларли ёрдам сифатида қабул қиламиз», — деди Мактабгача таълим вазири Агриппина Шин.
Hyundai Engineering&Construction компаниясидан олинган техникалар EMIS мактабгача таълимни бошқариш ахборот тизимининг янада тезроқ татбиқ этилишини таъминлайди. EMIS тизими боланинг саломатлиги ҳолати, вакцинацияси, эмоционал ва интеллектуал ривожланиши, эҳтиёжлари тўғрисидаги ҳаққоний ва ишончли маълумотларни ўз ичига олади.
Изоҳ (0)