SSSR davlat gerbida tasvirlangan ramzlardan biri xato chizilgan. Bu haqda “Daryo”ga San’atshunoslik instituti ilmiy xodimi Temurxon Jahonov ma’lum qildi.
1923-yilda tasdiqlangan gerbda o‘roq noto‘g‘ri chizilgan, to‘g‘rirog‘i, uning tutqichi teskari tasvirlangan. Aslida o‘roqni ushlash vaqtida qulay bo‘lishi uchun tutqichidagi qalinlashgan qismi pastida bo‘lishi lozim edi.
Ehtimol, rassom umrida o‘roq ushlamagan bo‘lishi mumkin, ammo davlatning rasmiy belgisidagi xato e’tiborsizlik oqibati edi.
Keyinchalik barcha gerb aks etgan rasmiy hujjatlar, kupyuralarda ham ushbu anglashilmovchilik takrorlanib boravergan.
Bu xato 1937-yilga kelibgina davlat gerbining qayta tasdiqlanishi bilan bartaraf etiladi.
Izoh (0)