2018-yil 19-oktabr kuni I.V. Saviskiy nomidagi Qoraqalpoq davlat san’at muzeyida festival qatnashchilari ishtirokida “Janubiy Orol atrofi — innovatsion rivojlanish hududi” mavzusida xalqaro ilmiy konferensiya o‘tkazilmoqda. Bu haqda Madaniyat vazirligi matbuot xizmati xabar berdi.
Kunning ikkinchi yarmida Berdaq nomidagi Qoraqalpoq davlat akademik musiqali teatrida Ch.Aytmatovning “Sohil bo‘yida chopayotgan olapar” qissasi asosida sahnalashtirilgan “Luvr o‘rdagi” nomli spektakli namoyish etiladi.
Qoraqalpog‘iston Respublikasi tarixi va madaniyati davlat muzeyining Mo‘ynoq tumanidagi filiali “Ekologiya” muzeyining ochilish marosimi, shuningdek, Berdaq nomidagi Qoraqalpoq davlat akademik musiqali teatrining simfonik orkestri konserti va “Ko‘k suv” ko‘li bo‘yida viloyatlardan va barcha tumanlardan kelgan oshpazlar ishtirokida “Orol baliqlaridan 99 tur taomlar” nomli gastronomik xalqaro festivali o‘tkaziladi.
Kunning ikkinchi yarmida Ochiq osmon ostidagi “Kemalar muzeyi” oldi “Mayok” bo‘yida “Orol va Mo‘ynoqning qayta tiklanishi” nomli xalqaro ekofestivaliga bag‘ishlangan Qoraqalpog‘iston Respublikasi Madaniyat vazirligiga qarashli Ixtisoslashtirilgan Nukus madaniyat maktabi, Nukus shahri va Mo‘ynoq tumani bolalar musiqa va san’at maktabi o‘quvchi yoshlarining ekologiya mavzusida rasmlar chizish mashg‘ulotlari, “Orol mening taqdirimda” mavzusidagi O‘zbekiston Respublikasi Badiiy akademiyasi Qoraqalpog‘iston bo‘limi rassomlari ko‘rgazmasi, “Fermer boy, xalq farovon” mavzusida Mo‘ynoq, Qo‘ng‘irot, Qanliko‘l, Shumanoy, Xo‘jayli tumanlari dehqon fermer xo‘jaliklarining “Hosil ko‘rgazma”lari, “Jonli tabiat” mavzusidagi gulchambarlar namoyishi, shuningdek ekologiya va atrof muhitni muhofaza qilish qo‘mitasi va “Hunarmand” uyushmasi tomonidan tashkil etiladigan ko‘rgazmalar namoyishi;
— “Orol baliqlaridan 99 tur taomlar” nomli gastronomik xalqaro festivali va “Orol va Mo‘ynoqning qayta tiklanishi” mavzusidagi xalqaro Ekofestivali g‘oliblarini taqdirlash marosimi;
— Ochiq osmon ostidagi “Kemalar muzeyi” oldi “Mayok” bo‘yidagi sahnada xalqaro festival yakuni bilan O‘zbekiston va Qoraqalpog‘iston san’at arboblari, taniqli yosh estrada xonandalari ishtirokida gala konsert dasturi;
Ochiq osmon ostidagi “Kemalar muzeyi” yonida “Qur” atrofida O‘zbekiston va Qoraqalpog‘iston xalq baxshi va jirovlari, folklor jamoalarining xalq dostonlaridan parchalar ijrosi, qiz-yigitlar aytishuvlari bo‘lib o‘tishi belgilangan.
Izoh (0)