Agar “Real” jamoa bosh murabbiyi Xulen Lopetegini bo‘shatsa, Mikael Laudrup uning o‘rniga murabbiy bo‘lishni Madrid klubiga taklif qildi. Bu haqda Telemadrid nashri xabar berdi.
Ta’kidlanishicha, bordi-yu “Real” Xulen Lopetegi boshchiligida “Barselona”ga qarshi kechadigan 28-oktabrdagi “El-Klasiko”da mag‘lubiyatga uchraydigan bo‘lsa, u iste’foga chiqarib yuboriladi.
Ma’lumot uchun, 54 yoshli Mikael Laudrup madridliklar safida 1994—1996 yillar oralig‘ida to‘p surgan. Murabbiy sifatida esa “Xetafe”, “Spartak Moskva”, “Malyorka” va “Suonsi” kabi jamoalarda ishlagan. Laudrupning so‘nggi klubi Qatarning “Al-Rayyan” bo‘lgandi.
Eslatib o‘tamiz, avvalroq “Qirollik klubi”ning ayni damda ishsiz yurgan italiyalik Antonio Konte bilan muzokaralarni boshlagani haqida xabar berilgandi.
Izoh (0)