Argentinada III yozgi o‘smirlar Olimpiya o‘yinlari nihoyasiga yetib bormoqda. Biroz avval boks musobaqalarida O‘zbekiston sharafini -69 kg vazn toifasida himoya qilgan Jahongir Rahmonov bronza medaliga ega chiqqani haqida xabar berilgandi.
Karate bo‘yicha -53 kg vazn toifasida tatamiga chiqqan o‘zbekistonlik Dildora Aliqulova guruh bosqichida muvaffaqiyatli ishtirok etib, yarim finalgacha yetib bordi. Final ostonasida kechgan jangda u karate vatani hisoblanadigan Yaponiya mamlakati vakilasi Rinka Taataga to‘qnash keldi. Dildora ushbu bahsda imkoniyatni boy berib qo‘ydi va yakunda bronza medali bilan kifoyalandi.
Ayni damda O‘zbekiston terma jamoasi hisobidagi medallar soni 12 tani tashkil etmoqda. Shularadan 3 tasi oltin, 4 tasi kumush, 5 tasi bronza medallaridir. Shuningdek, o‘zbekistonlik sportchiar mikst bahslarida 1 ta oltin va 1 ta bronza medaliga ega. Ammo bu medallar O‘zbekistonning medallar jadvaliga ahvoliga ta’sir ko‘rsatmaydi.
Izoh (0)