Аргентинада III ёзги ўсмирлар Олимпия ўйинлари ниҳоясига етиб бормоқда. Бироз аввал бокс мусобақаларида Ўзбекистон шарафини -69 кг вазн тоифасида ҳимоя қилган Жаҳонгир Раҳмонов бронза медалига эга чиққани ҳақида хабар берилганди.
Каратэ бўйича -53 кг вазн тоифасида татамига чиққан ўзбекистонлик Дилдора Алиқулова гуруҳ босқичида муваффақиятли иштирок этиб, ярим финалгача етиб борди. Финал остонасида кечган жангда у каратэ ватани ҳисобланадиган Япония мамлакати вакиласи Ринка Таатага тўқнаш келди. Дилдора ушбу баҳсда имкониятни бой бериб қўйди ва якунда бронза медали билан кифояланди.
Айни дамда Ўзбекистон терма жамоаси ҳисобидаги медаллар сони 12 тани ташкил этмоқда. Шуларадан 3 таси олтин, 4 таси кумуш, 5 таси бронза медалларидир. Шунингдек, ўзбекистонлик спортчиар микст баҳсларида 1 та олтин ва 1 та бронза медалига эга. Аммо бу медаллар Ўзбекистоннинг медаллар жадвалига аҳволига таъсир кўрсатмайди.
Изоҳ (0)