Serbiyada teleboshlovchining avtomobili portlab ketdi

Serbiya poytaxti Belgrad shahrida aktrisa va teleboshlovchi Mariyan Michichga tegishli avtomobil portlab ketdi. Bu haqda “Korrespondent.net” xabar berdi.

Ta’kidlanishicha, portlash oqibatida bir kishi halok bo‘lgan.

Portlab ketgan Volkswagen Golf 4 avtomobili ostiga portlovchi qurilma o‘rnatilgani va masofadan boshqariladigan pult yordamida harakatga keltirilgani taxmin qilinmoqda.

Dastlabki ma’lumotlarga ko‘ra, Mariyan Michichga tegishli bo‘lgan avtomobildan uning otasi foydalangan. Erkak sog‘lig‘i uchun xavfli bo‘lmagan jarohat olgan.