Сербияда телебошловчининг автомобили портлаб кетди

Сербия пойтахти Белград шаҳрида актриса ва телебошловчи Мариян Мичичга тегишли автомобиль портлаб кетди. Бу ҳақда «Корреспондент.net» хабар берди.

Таъкидланишича, портлаш оқибатида бир киши ҳалок бўлган.

Портлаб кетган Volkswagen Golf 4 автомобили остига портловчи қурилма ўрнатилгани ва масофадан бошқариладиган пульт ёрдамида ҳаракатга келтирилгани тахмин қилинмоқда.

Дастлабки маълумотларга кўра, Мариян Мичичга тегишли бўлган автомобилдан унинг отаси фойдаланган. Эркак соғлиғи учун хавфли бўлмаган жароҳат олган.