Qozog‘iston prezidenti Nursulton Nazarboyev to‘g‘ri keksayish sirlari bilan bo‘lishdi

Qozog‘iston prezidenti Nursulton Nazarboyev Aqto‘bega rasmiy tashrifi davomida to‘g‘ri keksayish sirlari bilan o‘rtoqlashdi, deb xabar beradi “Tengrinews.kz”.

“Qariyalarni uyda o‘tirib, nimadandir ko‘ngli to‘lmay yuradigan xalq qasoskorlari deb atashar edi. Keksayishni bilish kerak, yaxshi keksayish kerak. Yomon qarish qanday bo‘ladi? Yomon qariydiganlar o‘tirib olib, shunday deydi: ‘Qarish yomon. Mana agar xotinim yaxshi bo‘lganida yaxshiroq bo‘lardim. Agar do‘stlarim yaxshi bo‘lganida men yaxshiroq bo‘lardim. Agar hukumat yaxshi bo‘lganida, men umuman…”, — deydi Nursulton Nazarboyev Aqto‘bedagi obyektlarni ko‘zdan kechirish chog‘ida.

“Yaxshi qarish qanday bo‘ladi? Yaxshi qariganlar shunday deyishadi: ‘Shu yoshgacha yashaganim, farzandlar tarbiyalaganim hayotni ko‘rganim va sog‘ligim uchun Yaratganga shukur. Mamlakatim, xalqim farovonlik va xotirjamlikda hayot kechirsin!’, — deydi Qozog‘iston prezidenti.