Rossiya TIV axborot va matbuot departamenti rahbari Mariya Zaxarova Facebook’dagi sahifasida so‘zanadan tikilgan chopon kiyib tushgan fotosini joyladi. Bu haqda “Podrobno.uz” xabar bermoqda.
“Xalq amaliy san’atini juda yaxshi ko‘raman. Hayratlanarli tarzda u milliy madaniyatning o‘ziga xosligini saqlab, ayni paytda insonlar tomonidan dunyoni qabul qilishdagi umumiylikni ta’minlaydi. Kutib oling: o‘zbek kashtasi”, — deya yozuv qoldirgan Zaxarova.
Kuzatuvchilar fotoning ayni paytda ijtimoiy tarmoqqa joylashtirilishi bejiz emasligini ta’kidlab, 18—19-oktabr kunlari Rossiya prezidenti Vladimir Putinning O‘zbekistonga tashrifi kutilayotganini eslatib o‘tgan.
Izoh (0)