Qarshi shahridagi “Baxtli oila” restoranidagi to‘y uchun salat tayyorlagan M. Shukurov prokuratura xodimiga pora berayotganda qo‘lga olindi. O‘sha to‘ydan so‘ng 90 kishi zaharlangan edi. Bu haqda Bosh prokuraturaga tayanib, “Gazeta.uz” xabar berdi.
M. Shukurov Qarshi shahar prokuroriga unga nisbatan jinoiy ish ochmaslik hamda ommaviy zaharlanishga oid ish bo‘yicha javobgarlikka tortmaslikni so‘rab, pora taklif qilgan.
U prokuror Sh. Najmiyevning xizmat xonasida 13-oktyabr kuni soat 13:15 da 500 dollar miqdorida pora berayotgan paytda qo‘lga olindi. Mazkur holat yuzasidan Jinoyat kodeksining 211-moddasi (“Pora berish”) bo‘yicha jinoiy ish qo‘zg‘atildi.
Restoranga kelganlarning salomatligi yomonlashuvi, dastlabki tekshiruv natijalariga ko‘ra, “Fransuzcha” va “Smak” salatlari iste’molidan so‘ng yuz bergan. Mazkur salatlar M. Shukurovning uyida sanitariya talablari buzilgan holda tayyorlangani bildirilmoqda.
Izoh (0)