Majburiy ijro byurosi Mirobod tuman bo‘limi ish yurituvida qarzdor M.Sobirovdan undiruvchi N.Sobirovaning foydasiga 204 million so‘m undirib berdi. Bu haqda Repost Majburiy ijro byurosi vakiliga tayanib ma’lum qildi.
Ta’kidlanishicha, qarzdor bir qancha muddat aliment to‘lashdan qasddan bo‘yin tovlab kelgan. Oqibatda 4 milliondan ortiq qarzdorlik yuzaga kelgan. Qarzdor 2 nafar voyaga yetmagan farzandlari uchun voyaga yetguncha bo‘lgan miqdor 204 million so‘m aliment pullarini oldindan to‘lashga qaror qildi.
Byuroning ma’lum qilishicha, ayol oldindan to‘langan pullarga o‘zi va farzandlari uchun uy sotib oldi. Bunga qadar ota-onasining 2 xonali uyida qisilib yashayotgandi.
Xabarda aytilishicha, bunday hol juda kamdan-kam kuzatiladi.
Izoh (0)