Parij shahridagi Shon-sharaf maydonida 9-oktabr kuni O‘zbekiston Respublikasi Prezidentini rasmiy kutib olish marosimi bo‘ldi. Bu haqda Prezident matbuot xizmati xabar berdi.
Oliy martabali mehmon sharafiga faxriy qorovul saf tortdi. Shavkat Mirziyoyev harbiy orkestr sadolari ostida faxriy qorovul safi oldidan o‘tdi.
O‘zbekiston va Fransiya davlat madhiyalari yangradi. Marosimda mamlakatimiz delegatsiyasi a’zolari ham hozir bo‘ldi.
Shundan so‘ng davlat rahbari Fransiya Respublikasi prezidentining Yelisey saroyiga yo‘l oldi.
Izoh (0)