Xalqaro migratsiya tashkiloti va O‘zbekiston hukumati mamlakatda kamida 2 ta mehnat muhojirlarini Yevropa davlatlariga ketishdan oldin ko‘niktirish markazini ochish yuzasidan muzokaralar olib bormoqda. Mazkur masala XMT delegatsiyasi hamda Bandlik va mehnat munosabatlari vazirligi Toshkentda o‘tkazgan uchrashuv davomida ko‘tarildi.
“XMT ‘Ishga marhamat’ monomarkazi negizida Toshkent shahrida va Surxondaryo viloyatida kamida ikkita Yevropa mamlakatlariga ketish oldidan mehnat muhojirlarini ko‘niktirish markazini tashkil etish va kerakli asbob-uskunalar bilan jihozlashda ishtirok etishi ko‘zda tutilmoqda”, — deyiladi vazirlik matbuot xizmati xabarida.
Shuningdek, Surxondaryo viloyatida afg‘onistonlik mehnat muhojirlarini to‘lov asosida tayyorlash rejalashtirilmoqda. Bu masalaga XMT va Afg‘oniston hukumati oldindan qiziqish bildirdi.
Izoh (0)