Халқаро миграция ташкилоти ва Ўзбекистон ҳукумати мамлакатда камида 2 та меҳнат муҳожирларини Европа давлатларига кетишдан олдин кўниктириш марказини очиш юзасидан музокаралар олиб бормоқда. Мазкур масала ХМТ делегацияси ҳамда Бандлик ва меҳнат муносабатлари вазирлиги Тошкентда ўтказган учрашув давомида кўтарилди.
«ХМТ ‘Ишга марҳамат’ мономаркази негизида Тошкент шаҳрида ва Сурхондарё вилоятида камида иккита Европа мамлакатларига кетиш олдидан меҳнат муҳожирларини кўниктириш марказини ташкил этиш ва керакли асбоб-ускуналар билан жиҳозлашда иштирок этиши кўзда тутилмоқда», — дейилади вазирлик матбуот хизмати хабарида.
Шунингдек, Сурхондарё вилоятида афғонистонлик меҳнат муҳожирларини тўлов асосида тайёрлаш режалаштирилмоқда. Бу масалага ХМТ ва Афғонистон ҳукумати олдиндан қизиқиш билдирди.
Изоҳ (0)