Buyuk Britaniya parlamentining ekologik auditni tanlash qo‘mitasi mamlakatdagi yirik savdo tarmoqlarini kiyimlar savdosidagi isrofgarchilikka qarshi kurashga chaqirdi. Bu haqda The Independent xabar berdi.
Parlament yig‘ilishiga 10 ta brend, shu jumladan, Marks & Spencer, Primark va Next rahbarlari taklif qilingan.
Nashr ma’lumotlariga ko‘ra, ayni paytda Buyuk Britaniyadagi do‘konlarda 10 yil avvalgidan ikki baravar ko‘p kiyim sotilmoqda, britaniyaliklar esa Yevropaning boshqa har qanday mamlakati aholisidan ko‘ra ko‘proq kiyim sotib olmoqda.
Qo‘mita rahbari Meri Krigning ma’lum qilishicha, kiyim dizayni, ishlab chiqarilishi va sotilishi sayyoraga katta ta’sir ko‘rsatadi. Kiyim va oyoq kiyim ishlab chiqaruvchilari javobgarlikni zimmasiga olishi va xodimlari munosib ish haqi olayotganiga ishonch hosil qilishi kerak.
Izoh (0)