Moskvada qurilish havozasi qulashi oqibatida 8 kishi jarohatlandi. Ulardan ikki nafari o‘zbekistonlik

Joriy yil 5-oktabr kuni soat 11:15 atrofida Moskva shahridagi “Snegiri” turar joyi qurilish jarayonida 7 qavatli bino balandligida o‘rnatilgan havoza qulab tushdi. Bu haqda FVV matbuot xizmati xabar bermoqda.

Hodisa oqibatida 8 kishi jabrlandi. FVV, IIV, TIV bilan olib borilgan tadbirlar natijasida jabrlanganlarning shaxsiga aniqlik kiritildi.

Dastlabki ma’lumotlarga asosan ularning 2 nafari O‘zbekiston fuqarosi ekanligi aniqlandi:

• Po‘latov Nurali Jumanazarovich. 1979-yilda tug‘ilgan, Surxondaryo viloyatining Qumqo‘rg‘on tumanida istiqomat qiladi.
• Bo‘riyev Malik Umbarovich. 1984-yilda tug‘ilgan, Surxondaryo viloyatining Qumqo‘rg‘on tumanida istiqomat qiladi.