O‘zbekiston milliy terma jamoasi shu yilning 6—17-oktabr kunlari Toshkentda navbatdagi yig‘inni o‘tkazadi. Mazkur yig‘in doirasida ikkita o‘rtoqlik o‘yini ham o‘tkaziladi.
Jumladan, O‘zbekiston milliy terma jamoasi 13-oktabr kuni Shimoliy Koreya va 16-oktabr kuni Qatar milliy terma jamoalariga qarshi bahs olib boradi. Jamoa bugun, 6-oktabr sanasidan e’tiboran TTYMI stadionida yig‘inlarga kirishdi. Terma jamoadan chaqiruv olgan Odil Ahmedov (“Shanxay SIPG”, Xitoy), Eldor Shomurodov (“Rostov”, Rossiya), Otabek Shukurov (“Sharja”, BAA), Doston Hamdamov (“Anji”, Rossiya) esa o‘z klublarida navbatdagi tur uchrashuvlarini o‘tkazib bo‘lgach, yig‘inga kelib qo‘shiladi. “Championat.asia”ning xabar berishicha, tarkibda bitta o‘zgarish bo‘lgan. “Navbahor” darvozaboni Botirali Ergashev jarohat olgani bois, uning o‘rniga AGMK posboni Roman Abdulov chaqirilgan.
Terma jamoa bosh murabbiyi Ektor Kuper mazkur yig‘inga quyidagi futbolchilarni chaqirgan:
Darvozabonlar:
- Ignatiy Nesterov (“Lokomotiv”)
- Eldor Suyunov (“Paxtakor”)
- Roman Abdulov (AGMK)
- O‘tkir Yusupov (“Qo‘qon-1912”)
- Yegor Krimets (“Paxtakor”)
- Anzur Ismoilov (“Lokomotiv”)
- Sherzod A’zamov (“Paxtakor”)
- Doston Tursunov (“Neftchi”)
- Oleg Zoteyev (“Lokomotiv”)
- Vladimir Kozak (“Paxtakor”)
- Akmal Shorahmedov (“Paxtakor”)
- Davron Hoshimov (“Navbahor”)
- Odil Hamrobekov (“Nasaf”)
- Aziz Haydarov (“Bunyodkor”)
- Jaloliddin Masharipov (“Paxtakor”)
- Javohir Sidiqov (“Qo‘qon-1912”)
- Ikrom Aliboyev (“Lokomotiv”)
- Odil Ahmedov (“Shanxay SIPG”, Xitoy)
- Eldor Shomurodov (“Rostov”, Rossiya)
- Otabek Shukurov (“Sharja”, BAA)
- Doston Hamdamov (“Anji”, Rossiya)
- Ivan Nagayev (“Qizilqum”)
- Marat Bikmayev (“Lokomotiv”)
- Husniddin G‘ofurov (“Lokomotiv”)
Izoh (0)