Qirg‘izistonlik deputat sport kurashlari bo‘yicha Jahon chempionatida ishtirok etadi

Qirg‘iziston Jo‘qorg‘u Keneshi deputati Tazabek Ikromov bugun, 5-oktabr sanasida start oladigan sport kurashlari bo‘yicha faxriylar o‘rtasidagi Jahon chempionatida qatnashadi, deb xabar beradi Turon24 axborot agentligi.

Ikromov 78 kilogrammgacha bo‘lgan sportchilar o‘rtasida gilamga chiqadi. Mazkur vazn toifasidagi bahslar bugun bo‘lib o‘tadi.

Qirg‘iziston terma jamoasi faxriylar o‘rtasidagi Jahon chempionatida to‘rt nafar sportchi bilan qatnashadi.

Ma’lumot uchun, yunon-rum kurashi bo‘yicha Jahon chempionati bahslari 5—7-oktyabr kunlari Rossiyaning Perm shahri mezbonligida o‘tadi.