YouTube servisi O‘zbekistonda ketma-ket ikkinchi kun uzilishlar bilan ishlamoqda, deb yozadi Spot.
Muammolar 4-oktabrga o‘tar kechasi boshlandi. Dastlab video ko‘rishda qiyinchiliklar paydo bo‘ldi, keyin sayt vaqti-vaqti bilan umuman ochilmay qoldi. Bunday uzilishlar ba’zi mamlakatlarda kuzatilmoqda.
4-oktabr kuni Downdetector servisi epitsentrlardan biri sifatida faqat O‘zbekistonning bir qismini ko‘rsatgan bo‘lsa, 5-oktabrda muammo butun mamlakatni qamrab oldi:
Xaritaga ko‘ra, servisga kirish bilan bog‘liq muammolarga G‘arbiy Yevropaning ba’zi mamlakatlari, AQSh va Moskva fuqarolari ham duch kelmoqda.
Ta’kidlash joiz, servisga YouTube dasturi orqali kirilganida, muammolar kuzatilmayapti, shu sababli iOS uchun YouTube dasturi o‘zbekistonlik foydalanuvchilar orasida eng ko‘p yuklanuvchi dasturga aylandi.
Izoh (0)