Jizzax shahrida ro‘yxatdan o‘tkazilgan “Dilorom-Shaxrizoda” MChJning Paxtakor tumanidagi “Shodlik” maktabgacha ta’lim muassasasida amalga oshirilgan qurilish ishlari bo‘yicha 2018-yil fevral oyida viloyat nazorat taftish boshqarmasi tomonidan tekshiruv o‘tkazilgan. Tekshiruv natijasida, aniqlangan 36 million so‘mlik kamomadni yopib berish evaziga Jizzax viloyat moliya boshqarmasi boshlig‘i o‘rinbosari Sh.K. firma rahbari X.X.dan 1200 AQSh dollari va 4 million so‘m pullarni pora sifatida olgan. Bu haqda “Sangzor.uz” xabar bermoqda.
Bundan tashqari, Sh.K. o‘z hovlisida hammom quraman deb, X.X.dan 1000 dona shlakoblok, 1 tonna sement va 12 dona shifer olgan.
Ammo viloyat moliya boshqarmasi boshlig‘i o‘rinbosari Sh.K. “Dilorom-Shaxrizoda” MChJning kamomadini yopa olmagach olgan pullarini bir qismi 1,5 million so‘mni moliya boshqarmasi arxivariusi E.G. orqali X.X.ga 2018-yil sentabr oyi boshida qaytarayotgan vaqtida viloyat DXX boshqarmasi va viloyat prokuraturasi bilan hamkorlikda jinoyat ustida qo‘lga olindi.
Hozirda, Sh.K.ga nisbatan viloyat prokuraturasi tomonidan O‘zbekiston Respublikasi JKning 168-moddasi 3-qismi “v” bandi bilan jinoyat ishi qo‘zg‘atilgan va qamoqqa olinib, tergov harakatlari olib borilmoqda.
Izoh (0)