“O‘zbekiston temir yo‘llari” aksiyadorlik jamiyati tomonidan yo‘lovchilarga qulaylik yaratish, yo‘nalishlarni zamonaviy, tezyurar poyezdlar bilan ta’minlash, vagonlarni modernizatsiya qilish borasida muayyan ishlar amalga oshirilmoqda. Shunday vagonlardan bir nechtasi Toshkent—Buxoro—Toshkent yo‘nalishidagi “Sharq” tezyurar elektropoyezdiga ulandi. Bu haqda “Xalq so‘zi Online” xabar berdi.
Aytish joizki, mazkur vagonlar bir qator qulayliklarga ega. Xususan, oldingi vagonlar 36 o‘rinli edi. Yangi vagonlar esa 48 yo‘lovchiga mo‘ljallangan. Sovutish va isitish tizimlariga ega. Tashqi shovqindan himoyalangan. Qo‘l yuvish xonasi hozirgacha foydalanib kelinayotgan vagonlarga nisbatan keng.
Bunday vagonlar bosqichma-bosqich ishlab chiqariladi.
Izoh (0)