Dushanbedan Bekobod chegarasigacha Tojikistonning beshta tumanidan o‘tilar ekan. Yo‘nalish Dushanbe—Varzob—Ayniy—Shahriston—Istravshan—G‘unchi va nihoyat Qushtegirmon bojxona posti. Bu haqda O‘zA muxbiri hikoya qilmoqda.
Masofa 280 kilometr. Dovon yo‘llari juda chiroyli va tekis. Birorta buzilgan yoki o‘yilgan joyi yo‘q.
Haydovchidan “yo‘llarga yaxshi e’tibor qaratilar ekan-da”, deb so‘raymiz. “Axir bu yo‘llar pullik, har bir tumandan o‘tganda, maxsus postda pul to‘laysiz”, deydi haydovchi.
Dushanbedan Bekobod chegarasigacha 53 somoniy (so‘mda 50 ming) bo‘lar ekan.
Dovondagi baland-baland tog‘lar, tabiatning go‘zalligi kishini o‘ziga maftun etadi. Bu tengsiz go‘zallikni ifodalashga so‘z ojiz.
Dovonda 24 ta tunnel bo‘lib, uning har biri o‘zgacha. Ayrimlari 200-500-1000 metr bo‘lsa, ikkisining uzunligi 5,5 va 5,3 kilometr. Ulardan o‘tganda kishini hayajon bosadi.
Izoh (0)