Душанбедан Бекобод чегарасигача Тожикистоннинг бешта туманидан ўтилар экан. Йўналиш Душанбе—Варзоб—Айний—Шаҳристон—Истравшан—Ғунчи ва ниҳоят Қуштегирмон божхона пости. Бу ҳақда ЎзА мухбири ҳикоя қилмоқда.
Масофа 280 километр. Довон йўллари жуда чиройли ва текис. Бирорта бузилган ёки ўйилган жойи йўқ.
Ҳайдовчидан «йўлларга яхши эътибор қаратилар экан-да», деб сўраймиз. «Ахир бу йўллар пуллик, ҳар бир тумандан ўтганда, махсус постда пул тўлайсиз», дейди ҳайдовчи.
Душанбедан Бекобод чегарасигача 53 сомоний (сўмда 50 минг) бўлар экан.
Довондаги баланд-баланд тоғлар, табиатнинг гўзаллиги кишини ўзига мафтун этади. Бу тенгсиз гўзалликни ифодалашга сўз ожиз.
Довонда 24 та туннель бўлиб, унинг ҳар бири ўзгача. Айримлари 200-500-1000 метр бўлса, иккисининг узунлиги 5,5 ва 5,3 километр. Улардан ўтганда кишини ҳаяжон босади.
Изоҳ (0)