Singapur hukumati iqtisodiyoti ravnaqiga qo‘shgan hissasi uchun fuqarolariga 700 million Singapur dollari (512 million AQSh dollari degani) to‘laydi. Bu haqda “RIA Novosti” xabar bermoqda.
To‘lovlar orol-davlatning voyaga yetgan 2,8 million fuqarosiga berilishi ko‘zda tutilgan. Uning summasi esa aholining 2017-yil davomidagi daromadiga bog‘liq.
Past daromad egalari 300 Singapur dollari (219 AQSh dollari), o‘rta daromadlilar 200 Singapur dollari (146,5 AQSh dollari), yuqori daromad sohiblari esa 100 Singapur dollari (73 AQSh dollari) oladi.
Ma’lumot uchun, 2017-yilda Singapur iqtisodiyoti o‘sishi 3,6 foizni tashkil etib, rasmiylar taxminidan ikki barobar oshiq ko‘rsatkichni qayd etdi.
Izoh (0)