Gorlovka shahrida mina portlashi oqibatida uch nafar bola halok bo‘ldi. Bu haqda shahar ma’muriyati rahbari vazifasini bajaruvchi Ivan Prixodko ma’lum qildi, deb yozadi “RIA Novosti”.
Yana bir bola og‘ir yaralangan. FVV ma’lumotiga ko‘ra, hodisa 13:15 da blokpost yaqinidagi daraxtzorda sodir bo‘lgan. Piyodalarga qarshi mina portlab ketgan.
Donbass ayirmachilar nazorati ostidagi Gorlovka shahri Donetskdan 40 kilometr shimolda, tutash liniyada joylashgan bo‘lib, muntazam o‘qqa tutiladi. Shaharda 250 mingga yaqin odam istiqomat qiladi.
Izoh (0)