Toshkentda “Oilani mustahkamlash va o‘sib kelayotgan yosh avlodni tarbiyalashda o‘zini o‘zi boshqarish organlarining roli” mavzusida xalqaro konferensiya o‘tkazilmoqda, deb xabar beradi “Mahalladosh.uz”.
Konferensiyada Afg‘oniston, Belgiya, Buyuk Britaniya, Ispaniya, Italiya, Misr, Pokiston, Rossiya, Ozarbayjon, Koreya Respublikasi, Hindiston, Qirg‘iziston, Qozog‘iston, Tojikiston davlatlaridan kelgan yetakchi ekspertlar hamda mamlakatimizda akkreditatsiyadan o‘tgan diplomatik korpus vakillari ishtirok etmoqda.
Xalqaro konferensiya ishtirokchilari kunning birinchi yarmida poytaxtdagi Hazrati imom majmuasi, Toshkent shahridagi Badiiy gimnastika bo‘yicha bolalar-o‘smirlar ixtisoslashtirilgan respublika olimpiya zaxirasi sport maktabi hamda Toshkent shahridagi 18-son bolalar musiqa va san‘at maktabida bo‘ldi.
Konferensiyaning asosiy tadbirlari 28-sentabr kuni poytaxtdagi Internatinal Hotel Tashkent mehmonxonasida bo‘lib o‘tadi. Shu kuni anjumanning rasmiy ochilish marosimi, “Barkamol avlod tarbiyasida fuqarolarning o‘zini o‘zi boshqarish organlari va oilaning tutgan o‘rni”, “Oila instituti va oila siyosati: muammolar, rivojlanish tendensiyasi va istiqbollari” mavzusida yalpi yig‘ilishlari, to‘rtta sho‘bada mavzuga doir muhokamalar o‘tkazilishi belgilangan.
Tadbir yakunida mahalla instituti, oila-nikoh munosabatlari va yoshlarga oid davlat siyosati sohasida qonunchilik va amaliyotni takomillashtirish bo‘yicha tegishli taklif va tavsiyalar ishlab chiqiladi.
Izoh (0)