Panasonic Avionics Corporation (PAC) 27-sentabr kuni ertalab “O‘zbekiston havo yo‘llari” bilan parvoz paytida internetning ko‘ngilochar sohasidagi yechimlarni taqdim etish va uyali aloqadan foydalanish (IFEC) borasidagi kelishuvni e’lon qildi, deb yozadi Spot.
PAC 2019-yilning yanvar oyida O‘zbekiston milliy aviakompaniyasining ixtiyoriga topshiriladigan ikkita Airbus A320 neo samolyotlari bortiga IFEC X-Series yetkazib berish bo‘yicha bitim tuzdi.
Bundan tashqari, allaqachon foydalanishda bo‘lgan uchta Boeing uchun PAC aloqa xizmati maxsus ravishda takomillashtiriladi.
Kompaniya samolyotlarni Multi-Touch HD ekranlari va har bir o‘rindiqni USB-quvvatlagich moslamalari bilan jihozlash niyatida.
Shuningdek, barcha yangi samolyotlar borti Wi-Fi-xizmati bilan ta’minlanadi. Kompaniya uning asosiy afzalligini e’lon qildi, bu — yaxshilangan internet o‘tkazish imkoniyatiga ega bo‘lish, videofayllar oqimini tomosha qilish imkonini berish qobiliyatidir.
Drimlaynerlar yo‘lovchilari parvoz paytida uyali aloqa telefonlaridan foydalashlari va CNN, Euronews, CNBC, NHK, Sky News Arabia, BBC World News va Sport 24 teletarmoqlarining to‘g‘ridan-to‘g‘ri efirini kuzatib borishi mumkin.
Panasonic Avionics Corporation’ning ijrochi direktori Xideo Nakano “O‘zbekiston havo yo‘llari” qadrli mijoz ekanligini qayd etib o‘tdi.
“Biz ko‘ngilochar sohada IT-yechimlarni tanlash va yangi flotlarda pavoz paytida aloqa borasida ular bilan hamkorlik qilayotganimizdan xursandmiz, — dedi Nakano.
Izoh (0)