BP transmilliy neft-gaz kompaniyasi O‘zbekistondagi faoliyatini kengaytirishga tayyor, bu haqda kompaniyaning siyosiy masalalar bo‘yicha maslahatchisi Maykl Denison aytib o‘tdi, deb yozadi Spot “O‘zbekiston 24” telekanalining “Tahlilnoma” dasturiga tayanib.
Uning so‘zlariga ko‘ra, kompaniya Qoraqalpog‘istonning Shimoliy Ustyurti va Farg‘ona viloyatidagi istiqbolli konlar ustida ish olib boradi. U yerda uglevodorodlarni qazib olish uchun ilgari qo‘llanilmagan texnologiyalardan foydalanish rejalashtirilmoqda.
“BP kompaniyasi Castrol moy mahsulotlari sotuvini respublikada istiqbolli ishlab chiqarishni yo‘lga qo‘yish bilan kengaytirishni rejalashtirmoqda”, — deya ma’lum qildi Denison.
Bundan tashqari, kompaniya o‘z texnologiyalarini joriy etish orqali muqobil energiya manbalarini rivojlantirish va energiya samaradorligini oshirishda ishtirok etishni rejalashtirmoqda.
Izoh (0)