O‘zbekiston Turizmni rivojlantirish davlat qo‘mitasi yaqin orada UzFinder mobil dasturini ishga tushiradi, u turistlarga eng yaqindagi sanitariya-gigiyena tuguni joylashgan joyni topishda yordam beradi, deb yozadi “Podrobno.uz”.
Dastur yangi sayyohlik infratuzilmasi obyektlari yaratilishini hisobga olib, doimiy ravishda yangilab turiladi.
2018-yilning fevralida o‘zbekistonlik tadbirkorlarga butun mamlakat bo‘ylab hojatxonalar qurish uchun imtiyozlar taqdim etildi. Masalan, ular hojatxona qursa, yiliga 100 million so‘m, ularni saqlab, nazorat qilib tursa, yiliga 12 million so‘mgacha soliq imtiyoziga ega bo‘lishi mumkin.
Natijada imtiyozlar joriy qilinganidan buyon davlat-xususiy sheriklik asosida zarur standartlarga javob beruvchi 147 ta hojatxona qurildi.
Izoh (0)