Toshkent shahar hokimi vazifasini bajaruvchi Jahongir Ortiqxo‘jayevning yangi o‘rinbosari Elbek Shukurov poytaxt aholisiga Facebook orqali murojaat yo‘lladi.
Hurmatli Toshkent aholisi va shahrimiz mehmonlari!https://www.facebook.com/elbekshukurovofficialpage/videos/vb.1412951442328247/525633924558114/?type=2&theaterMen Jahongir Ortiqxo‘jayev rahbarligidagi shahar hokimiyatining yangilangan komandasida ish boshlaganimga mana bir oydan ko‘proq vaqt bo‘ldi. Menga mas’uliyatli lavozim - ta’lim, sog‘liqni saqlash, madaniyat, sport va yoshlar siyosati sohalarini o‘z ichiga olgan ijtimoiy masalalar bo‘yicha hokim muovini vazifasi - ishonib topshirildi.
Biz katta hajmdagi ishlarni amalga oshirishimiz kerak bo‘ladi. Samarali natijalarga erishish uchun, real imkoniyatlarimizdan kelib chiqqan holda, biz o‘zimiz uchun uchta eng muhim prinsipni belgilab oldik - bu shaffoflik, halollik va Toshkent aholisi manfaatlari yo‘lida ish yuritish.
Biz fuqarolarimizning faolligi yuqori ekanligini kuzatib turibmiz va barchamiz uchun foydali bo‘lgan aloqalarni barpo etishda ijtimoiy tarmoqlarni kuchli vosita, deb hisoblaymiz.
Bu kabi video murojaatlar, muntazam ravishda o‘tkaziladigan so‘rovnomalar, bajarilgan ishlar haqida hisobotlar va aholi talablariga javob qaytarish muntazam ravishda amalga oshiriladi va bizga har doim aloqada bo‘lishga imkon beradi.
E’tiboringiz uchun tashakkur.
Elbek Shukurov, Toshkent shahr hokimi o‘rinbosari
Izoh (0)