2018—2021-yillar uchun O‘zbekiston Respublikasi xalq ta’limi tizimini yanada takomillashtirish chora-tadbirlari dasturi tasdiqlandi, deb yozadi Norma.
Unga muvofiq, o‘qituvchining maqomini, pedagogik faoliyatni belgilashni, o‘qituvchilarning huquqlarini belgilashni, o‘qituvchilar malakasini oshirish tizimini takomillashtirishni va boshqalarni nazarda tutuvchi “O‘qituvchining maqomi to‘g‘risida”gi qonunni qabul qilish rejalashtirilgan.
Umumiy o‘rta ta’limning yangi davlat ta’lim standartlarini va o‘quv dasturlarini, shu jumladan, STEAM uslubini bosqichma-bosqich joriy qilish ko‘zda tutilgan.
Xalq ta’limi muassasalari dunyo tajribasiga tayangan holda ta’lim sifatini takomillashtiradi. Bundan tashqari, mamlakat TALIS Xalqaro o‘qitish va o‘rganish tizimi tadqiqoti (o‘qituvchilar mehnat sharoitini va maktablardagi ta’lim muhitini baholash)da qatnashadi.
Barcha xalq ta’limi muassasalarida 2021-yil oxirigacha keng polosali internet (kamida 10 Mb/soniya tezlikli) joriy etiladi.
Izoh (0)