2018—2021 йиллар учун Ўзбекистон Республикаси халқ таълими тизимини янада такомиллаштириш чора-тадбирлари дастури тасдиқланди, деб ёзади Norma.
Унга мувофиқ, ўқитувчининг мақомини, педагогик фаолиятни белгилашни, ўқитувчиларнинг ҳуқуқларини белгилашни, ўқитувчилар малакасини ошириш тизимини такомиллаштиришни ва бошқаларни назарда тутувчи «Ўқитувчининг мақоми тўғрисида»ги қонунни қабул қилиш режалаштирилган.
Умумий ўрта таълимнинг янги давлат таълим стандартларини ва ўқув дастурларини, шу жумладан, SТEAM услубини босқичма-босқич жорий қилиш кўзда тутилган.
Халқ таълими муассасалари дунё тажрибасига таянган ҳолда таълим сифатини такомиллаштиради. Бундан ташқари, мамлакат ТАLIS Халқаро ўқитиш ва ўрганиш тизими тадқиқоти (ўқитувчилар меҳнат шароитини ва мактаблардаги таълим муҳитини баҳолаш)да қатнашади.
Барча халқ таълими муассасаларида 2021 йил охиригача кенг полосали интернет (камида 10 Мб/сония тезликли) жорий этилади.
Изоҳ (0)