Tojikistonda sobiq qallig‘ining buyurtmasiga asosan boshqirdistonlik tadbirkorni o‘ldirgan shaxslar qo‘lga olindi

Tojikistonda qotillikni amalga oshirishda gumon qilinib Dushanbe shahrining 30 yoshli va Yovon tumanining 37 yoshli fuqarosi qo‘lga olindi. Ularga nisbatan jinoiy ish qo‘zg‘algan, tergov davom etmoqda, deya xabar beradi Asia-Plus.

Qo‘lga olinganlar 2016-yil 23-mart kuni Boshqirdistonning Oktabrsk shahrida Makarov to‘pponchasidan ikki kishiga o‘q uzgan. Ulardan biri kasalxonaga olib ketilayotganda yo‘lda vafot etgan.

O‘z navbatida, Boshqirdiston oliy sudiga Oktabrsk shahrida yashagan va “Universal” savdo uyiga egalik qilgan tadbirkor Marat Kupsovning o‘ldirilishi tashkilotchilari va ijrochilariga oid jinoiy ish oshirildi.

Tergov tadbirkorning sobiq qallig‘i Irina Kupsova va Tojikiston fuqarosi Sa’dullo Qosimovni qotillik tashkilotchilari, yana bir tojikistonlik Ejod Nosirovni esa ijrochi hisoblamoqda.

Qotillikka tayyorgarlik jarayoniga jalb etilgan Tojikistonning yana 3 nafar fuqarosi ham qilmishlari uchun javob beradi.