“Vaqf” xayriya jamoat fondi 2018—2019-o‘quv yilining boshlanishi munosabati bilan 6-sentabr kuni Toshkent Islom institutining Tahfizul-Qur’on kafedrasining barcha ustoz va talabalariga O‘zbekistonda nashr etilgan Qur’oni karimdan taqdim etdi. Bu haqda O‘zbekiston musulmonlari idorasi rasmiy saytida xabar berildi.
“Masjid va madrasalar uchun kitob aksiyasi” doirasida amalga oshirilayotgan ushbu xayrli tadbirda talabalarga Qur’oni karim bilan birgalikda har bir guruhga bir donadan shayx Muhammad Sodiq Muhammad Yusuf hazratlarining qalamlariga mansub “Tafsiri hilol” kitobi ham berildi.
Vaqf xayriya jamoat fondi boshqaruvi rahbari betobligi tufayli kitoblarni kafedra mudiri tarqatdi.
Qayd etish joiz, Toshkent Islom institutining Tahfizul Qur’on kafedrasi Qur’oni karimni yodlashga ixtisoslashgan O‘zbekistondagi yagona oliy dargoh bo‘lib, Jahongir qori Ne’matov kafedra mudiri hisoblanadi.
Ushbu ta’lim maskani Qur’oni karimni 2 oyda yodlab chiqqan va bir kunning o‘zida to‘liq yoddan o‘qib bergan yigitlarni yetishtirib chiqargan dargohdir.
Izoh (0)