Toshkent shahrida atrof-muhitga ta’sirni baholashning zamonaviy tizimi (ATBT) va Markaziy Osiyoning boshqa mamlakatlari bilan bir qatorda uni O‘zbekistonda joriy etish mavzusiga bag‘ishlangan milliy seminar o‘tkazildi. Bu haqda “Daryo” manbasi xabar bermoqda.
Tadbir Ekologiya va atrof-muhitni muhofaza qilish davlat qo‘mitasi tomonidan Markaziy Osiyo mintaqaviy ekologiya markazi filiali (CAREC-MOMEM), BMTning Yevropa iqtisodiy komissiyasi va Yevropada xavfsizlik va hamkorlik tashkiloti (OBSЕ) ko‘magi ostida tashkil etildi.
Seminarni Ekologiya va atrof-muhitni muhofaza qilish davlat qo‘mitasi rais o‘rinbosari O‘ktam O‘tayev, OBSЕ’ning O‘zbekistondagi loyihalari koordinatori Jon MakGregor, BMT Yevropa iqtisodiy komissiyasining atrof-muhit masalalari bo‘yicha mintaqaviy maslahatchisi (BMT YEIK) Sarangoo Radnaaragchaa, shuningdek, MOMEMning O‘zbekistondagi filiali direktori Shahnoza Umarova ochib berdi.
Seminarni o‘tkazishdan ko‘zlangan maqsad – Espo konvensiyasi va boshqa xalqaro standartlarga muvofiq davlat ekologiya ekspertizasi sohasida milliy qonunchilikni takomillashtirish bo‘yicha takliflar tayyorlash borasida ko‘mak ko‘rsatish.
Seminarning birinchi qismida ATBT konsepsiyasi, transcheragaviy kontekstda Atrof-muhitga ta’sirni baholash konvensiyasi (Konvensiya Espo) va boshqa xalqaro standartlar muhokama etildi. Loyiha faoliyati bilan shug‘ullanish uchun ruxsatnomalar berish tizimida ATBTning o‘rni va davlat organlari roliga alohida e’tibor qaratildi. Jalb etilgan xalqaro ekspertlar Konvensiya bandlari va boshqa xalqaro standartlarga muvofiq atrof-muhitga ta’sirni baholash milliy tizimi tahlilini o‘tkazishning maqsadga muvofiq ekanini ta’kidlashdi va seminar ishtirokchilarining savollariga javob qaytardi.
Seminarning ikkinchi qismi ATBT jarayoniga taalluqli bo‘lgan faoliyat turlari ro‘yxati, transchegaraviy jarayonlar hamda ushbu jarayonlarda jamotchilik ishtiroki va davlat organlarining roliga muhokamasiga bag‘ishlandi.
Seminar yakunida muhokamalar sarhisob qilindi va O‘zbekistonda zamonaviy ATBT tizimini ishlab chiqishni qo‘llab-quvvatlashga qaratilgan keyingi qadamlar va tadbirlar belgilandi.
Izoh (0)