Тошкент шаҳрида атроф-муҳитга таъсирни баҳолашнинг замонавий тизими (АТБТ) ва Марказий Осиёнинг бошқа мамлакатлари билан бир қаторда уни Ўзбекистонда жорий этиш мавзусига бағишланган миллий семинар ўтказилди. Бу ҳақда «Дарё» манбаси хабар бермоқда.
Тадбир Экология ва атроф-муҳитни муҳофаза қилиш давлат қўмитаси томонидан Марказий Осиё минтақавий экология маркази филиали (CAREC-МОМЕМ), БМТнинг Европа иқтисодий комиссияси ва Европада хавфсизлик ва ҳамкорлик ташкилоти (OBSE) кўмаги остида ташкил этилди.
Семинарни Экология ва атроф-муҳитни муҳофаза қилиш давлат қўмитаси раис ўринбосари Ўктам Ўтаев, OBSE’нинг Ўзбекистондаги лойиҳалари координатори Жон МакГрегор, БМТ Европа иқтисодий комиссиясининг атроф-муҳит масалалари бўйича минтақавий маслаҳатчиси (БМТ EIEK) Сарангоо Раднаарагчаа, шунингдек, МОМЕМнинг Ўзбекистондаги филиали директори Шаҳноза Умарова очиб берди.
Семинарни ўтказишдан кўзланган мақсад – Экспо конвенцияси ва бошқа халқаро стандартларга мувофиқ давлат экология экспертизаси соҳасида миллий қонунчиликни такомиллаштириш бўйича таклифлар тайёрлаш борасида кўмак кўрсатиш.
Семинарнинг биринчи қисмида АТБТ концепцияси, трансчерагавий контекстда Атроф-муҳитга таъсирни баҳолаш конвенцияси (Конвенция Эспо) ва бошқа халқаро стандартлар муҳокама этилди. Лойиҳа фаолияти билан шуғулланиш учун рухсатномалар бериш тизимида АТБТнинг ўрни ва давлат органлари ролига алоҳида эътибор қаратилди. Жалб этилган халқаро экспертлар Конвенция бандлари ва бошқа халқаро стандартларга мувофиқ атроф-муҳитга таъсирни баҳолаш миллий тизими таҳлилини ўтказишнинг мақсадга мувофиқ эканини таъкидлашди ва семинар иштирокчиларининг саволларига жавоб қайтарди.
Семинарнинг иккинчи қисми АТБТ жараёнига тааллуқли бўлган фаолият турлари рўйхати, трансчегаравий жараёнлар ҳамда ушбу жараёнларда жамотчилик иштироки ва давлат органларининг ролига муҳокамасига бағишланди.
Семинар якунида муҳокамалар сарҳисоб қилинди ва Ўзбекистонда замонавий АТБТ тизимини ишлаб чиқишни қўллаб-қувватлашга қаратилган кейинги қадамлар ва тадбирлар белгиланди.
Изоҳ (0)