31-avgustdan O‘zbekistonda 5 kunlik dam olish kunlari boshlanadi

O‘zbekistonda 31-avgustdan Mustaqillik bayrami munosabati bilan e’lon qilingan 5 kunlik dam olish kunlari boshlanadi. Bu haqda huquqshunos, bloger Xushnudbek Xudoyberdiyevning Telegram’dagi kanalida ma’lum qilindi.

“Ertaga dam olish kuni. 5 kunliklar uchun ketma-ket 5 kun, 6 kunliklar uchun ketma-ket 3 kun dam olish kunlari boshlanadi”, — deyiladi xabarda.

Haftasiga 5 kun ishlovchi xodimlarga quyidagi kunlar dam olish kuni hisoblanadi (5 kun ketma-ket):

• 31 avgust – qo‘shimcha dam olish kuni;
• 1-sentabr – Mustaqillik bayrami;
• 2-sentabr – yakshanba;
• 3-sentabr – ko‘chirilgan dam olish kuni;
• 4-sentabr – ko‘chirilgan dam olish kuni.

Haftasiga 6 kun ishlovchi xodimlarga quyidagi kunlar dam olish kuni hisoblanadi (3 kun ketma-ket):

• 31-avgust – qo‘shimcha dam olish kuni;
• 1-sentabr – Mustaqillik bayrami;
• 2-sentabr – yakshanba.